Mukha ng Dalagang Filipina

Dalaga. Sa panahon ngayon, saan niyo madalas nakikita ang mga kadalagahan? Sa bars? Disco? Restau? Gimick clubs? Minsan pa nga, sa beer haus. Ika nga, sila ang mga modernong dalaga. Likas na mahilig sa kikay kits na bitbit sa pook sosyalan. Siya ang Antonia, kay sarap ng kaniyang buhay.

Dalaga. Sila na mga kadalagahan na marapat lamang na nasa eskwela ay kumakayod pang tumulong sa mga magulang. Madalas, Siya ang Maria na nagsasakripisyo sa layon lamang na matulungan ang magulang sa pagtustos ng iba pang mga kapatid.

Dalaga. Sila na mga kadalagahan na marapat na nasa loob ng kanilang tahanan ay makikitang pagala-gala sa Cubao. Naghahanap ng aliw, nagbebenta ng katawan. Siya ang Magdalena na sa huli ay doon lamang mapapagtanto ang pagsisisi.

Dalaga. Sila na mga kadalagahan na marapat na nag-aaral at nagsisikap ay kumakapit, humihithit, tumitikim at lumalasap ng pambihirang lunas na kanilang inaakala ay unti-unting kumikitil ng kanilang mga pangarap. Siya ang Lualhati na bumubura ng magagandang istorya ng kanilang mga buhay.

Dalaga. Sila na mga kadalagahan na umuukit ng personalidad sa larangan ng teknolohiya. “Ate/Kuya, pa-internet po one hour.” Pag-upo —- Friendster c: Mga simpleng kababaihan na tuwa sa online chatting, at online forums kung saan makakakilala ng mga bagong kai-bigan o ng ka-ibigan. Minsan pa’y, nakakasungkit ng kano na kanilang mapapangasawa. Siya ang Matutina na gumuguhit na kanyang kapalaran, na kabaligtaran ni Lualhati.

Dalaga. Sila na mga taong bahay. Kakaiba, taong-bahay. Hindi mo akalain na kumikita sa internet. Simpleng dalaga na taglay ang husay sa blogging, digital graphics, surfing, online contest. Siya ang Milagring, kanyang mga magulang ay nagtataka kung paano ba siya kumikita sa kanyang mga pinagkakaabalahan sa mundo ng teknolohiya.

Masusing busisiin, mga dalagang Filipina. Kung ikaw ay isang Filipina, nasaan ka ngayon sa kanila? Kung ika’y nama’y Filipino, nakikita mo ba ang iyong sarili sa lalaking bersyon ng mga kadalagahang ito? Kaw ba si Antonio, isang gimik boy? Si Mario na dakila na lubos na nagmamalasakit sa pamilya? Si Magdalo na nagbebenta ng aliw sa Cubao? O si Lito na hilig ang bisyo? Baka nama’y ika’y si Mateo, si Mateo mahilig makipagsapalaran sa net, eyeball naghahanap ng kanyang pampalipas oras? O marahil, ikaw si Peping, sapagkat iyong nababasa ngayon ang isang blog ng Dalagang Filipina.

Humayo ka, tulungan mo akong salaminan imahe ng mukha ng iba’t ibang Filipina.